Um vaktina
Yfirsýn yfir átök og varnarmál í heiminum
Vakt Varðmanna er kort af átökum og atvikum í varnarmálum um allan heim. Varðmenn Íslands halda kortinu úti til að gefa skýra og yfirvegaða mynd af stöðunni, með sérstakri áherslu á Norður-Atlantshaf og norðurslóðir.
Hvernig atvik komast á kortið
- Vöktun. Vaktin les fréttaveitur og opin gagnasöfn með reglulegu millibili. Listi yfir heimildir er neðst á síðunni.
- Flokkun. Gervigreind (Claude frá Anthropic) les hverja frétt, metur hvort hún fjalli um átök eða varnarmál, flokkar hana, metur alvarleika og finnur hvar atburðurinn varð.
- Staðsetning. Staðsetningin er borin saman við landfræðileg gagnasöfn (GeoNames og OpenStreetMap). Þegar fréttin nefnir aðeins land eða hafsvæði er punkturinn settur á mitt svæðið og staðsetningin merkt sem áætluð.
- Yfirferð. Ritstjórar Varðmanna fara yfir hvert atvik, leiðrétta texta og staðsetningu og samþykkja það. Ekkert birtist á kortinu án samþykkis ritstjóra.
- Heimildir. Hvert atvik vísar á fréttirnar sem það byggir á. Textinn á kortinu er stutt samantekt og fullyrðingar eru eignaðar heimildum sínum.
Alvarleiki
- 5 · Alvarleg. Árás með miklu mannfalli, stigmögnun eða ný víglína, beiting gereyðingarvopna.
- 4 · Mikil. Mannskæð árás eða orrusta, stórárás á mikilvæga innviði, ný stórsókn.
- 3 · Talsverð. Árás eða atvik með takmörkuðu mannfalli, veruleg skemmdarverk, stór heræfing við landamæri.
- 2 · Lítil. Minniháttar atvik, hlerun flugvéla, hefðbundin heræfing, stefnumál eða vopnakaup.
- 1 · Upplýsingar. Bakgrunnsupplýsingar sem eiga samt heima á korti.
Allir pinnar á kortinu eru í sama lit og táknið í þeim sýnir flokkinn. Pinninn stækkar með alvarleika, atvik á stigi 4 og 5 fá rauðan punkt og atvik á stigi 5 púlsa.
Fyrirvari
Fréttir af átökum eru oft óstaðfestar í fyrstu og tölur um mannfall breytast. Kortið sýnir það sem heimildirnar segja á hverjum tíma, eignað þeim. Það er ekki opinbert mat á hernaðarástandi.
Heimildir
Listinn er ekki tiltækur í augnablikinu.
Gögn og kortagrunnur
Kortagrunnur: © OpenStreetMap-höfundar, OpenMapTiles og OpenFreeMap. Landamæri: Natural Earth. Örnefni: GeoNames (CC BY 4.0). Atburðagögn: The GDELT Project.
Ábendingar
Ábendingar og leiðréttingar má senda Varðmönnum Íslands á vardmenn.is.